Mayroon kang mga pagpipilian para sa kung paano matanggap ang iyong mga benepisyo sa kawalan ng trabaho

Sa karamihan ng mga state, maaari mong matanggap ang iyong pera alinman sa isang prepaid debit card [tarjeta na may pondo] ng state o sa pamamagitan ng direkta na ididiposito sa iyong sariling bangko o account sa credit union o sa isang umiiral na prepaid card. Sa ilang mga state, isang pagpipilian din ang pagtanggap ng mga papel na tseke. Habang nagsampa na ang karamihan sa mga manggagawa na karapat-dapat para sa mga benepisyo sa kawalan ng trabaho bilang isang resulta ng COVID-19, magpapahintulot sa iyo ang maraming mga state na gumawa ng mga pagbabago sa paraan ng pagtanggap mo ng iyong mga benepisyo.

Mga paraan upang makatanggap ng mga benepisyo sa kawalan ng trabaho

Narito ang mga pinaka-karaniwang paraan upang matanggap ang iyong mga benepisyo sa seguro sa kawalan ng trabaho:

• Tuwirang deposito sa iyong sariling bank account o prepaid card
• Pinagkaloob ng state na prepaid debit card
• Papel na tseke

Suriin ang website ng iyong tanggapan ng kawalan ng trabaho ng state dahil maaaring magkakaiba ang mga pagpipilian at proseso para sa pag-sign up [pagsali], at dahil sa coronavirus, maaaring mahirap maabot ang isang kinatawan ng serbisyo sa customer para sa karagdagang pag-alalay.

Sa pamamagitan ng tuwirang deposito, matatanggap mo ang iyong pera nang mabilis at ligtas, at maaari mong pamahalaan ang iyong mga benepisyo sa kawalan ng trabaho tulad ng anumang iba pang mga pondo sa iyong account. Tinatanggal din nito ang peligro mawala o nakawin ang tsekeng papel, pati na rin ang pangangailangan na ideposito o ipapalit ito ng pera sa isang bangko o credit union.

Kung mas gusto mong gumamit ng isang prepaid card, karaniwang pinipili ang tuwirang deposito, ngunit kailangan mong suriin muna sa iyong tagabigay ng card upang malaman kung nararapat na makatanggap ng tuwirang deposito ang iyong card. Kung wala ka pang banko o account sa credit union o prepaid card, kakailangananin mong magbukas muna ng isang bagong account, na pinapayagan ka ng maraming mga institusyong pampananalapi na gawain mo online.

Upang mag-sign up para sa tuwirang deposito, suriing ang programa sa kawalan ng trabaho ng iyong state. Naiiba ang proseso ayon sa state, ngunit maaari mong hanapin ang website o mahanap ang impormasyong ito kapag nag-log in ka sa iyong account. Hanapin nang maingat para sa oras ng kung kailan mag-sign up: maaaring maging alinman kapag nag-apply ka, napatibayan, o nagsimula ang pagtanggap ng mga benepisyo sa kawalan ng trabaho.

Hindi mahalaga kung saang state ka nakatira, karaniwang kinakailangan ang sumusunod na impormasyon para mag-sign up:

• (Mga) Pangalan sa account
• Numero ng account sa bangko o prepaid card
• Numero pang-routing ng bangko o prepaid card
• Uri ng account (checking o savings). Para sa mga prepaid card, piliin ang 'checking'

Katulad sa tuwirang pagdeposito, ilalagay ang iyong mga benepisyo sa iyong card at muling ilalagay sa parehong card bawat kapanahunan ng pagbabayad. Sa pangkalahatan, gumana ito tulad ng ibang mga prepaid debit card na maaaring ginamit mo, maliban sa hindi mo maaaring mailagay ang iyong sariling pera.

Bagaman ipinagkakaloob ng state ang mga card na ito, pinamamahalaan sila ng isang institusyong pampananalapi, na karaniwang isang bangko, at maaaring lumitaw ang sagisag ng bangko sa card. Bilang resulta, maaaring maggagamit mo ang mga kagamitan pang-online at mobile ng bangko upang matulungan kang pamahalaan ang iyong pera, ngunit magkaroon ng kamalayan na maaari ka ring makakuha ng bayarin para sa ilang mga uri ng mga transaksyon, tulad ng pagkuha ng mga pondo mula sa isang ATM na wala sa network [sama-samahan]. Kailangan ipaalam sa iyo ng programa ng kawalan ng trabaho ng state kung ano ang mga bayarin para sa prepaid debit card na pinagkaloob ng state bago ka pumili upang matanggap ang iyong mga benepisyo sa pamamagitan ng card. Maaari mo ring asahan na makatanggap ng mahalagang impormasyon sa ibang mga tadhana at saligan kapag natanggap mo ang iyong card.

Tandaan, tatagal ng ilang araw bago dumating ang mga tseke kaya maaaring hindi ito ang pinakamagandang pagpipilian kung kailangan mo kaagad ng pondo. Kung mayroon kang sariling bank o credit union account o prepaid card, maaari mong gamitin ang mobile banking app upang kunan ng larawan ang tseke at maideposito ito sa mga pangsariling account na ito. Kung hindi man, maaaring kailangan mong pumunta sa institusyong pampananalapi upang i-cash o ideposito ito, ngunit alalahaning maaaring tumagal ng ilang araw bago makita ang lahat ng pera mo sa iyong account at maaabot para magamit.

Malaman ang mga maaaring scam [pangloloko] sa kawalan ng trabaho

Sa mga panahong ito ng emergency at natural na kalamidad, tumataas ang antas ng mga gawain pang-scam. Mahalagang manatiling maingat at may kamalayan sa mga scammer na maaaring magpanggap na ahensya ng gobyerno upang maabot ang iyong pangsariling impormasyon.

Ang mga maaaaring scam kabilang ang mga email, text, tawag sa telepono, o mga mensahe sa social media na lilitaw na mula sa U.S. Department of Labor [kagawaran ng paggawa] o tanggapan ng kawalan ng trabaho ng state, na humihiling sa iyong patunayan ang iyong pangsariling impormasyon, kabilang ang iyong pangalan, numero ng Social Security, o impormasyon ng bank account. Karaniwan ding humihingi ang mga scammer ng paunang bayad upang maproseso ang iyong pagbabayad o aplikasyon.

Nagbabala ang Federal Trade Commission (FTC) na ang maaari ring subukan ng mga manloloko na magsampa ng pekeng reklamo upang makatanggap ng benepisyo ng kawalan ng trabaho gamit ang iyong pangsariling impormasyon . Kung sa tingin mo, nabiktima ka ng panloloko sa pag-file ng kawalan ng trabaho, sasabihan ka ng FTC na:

• Magsampa ng reklamo sa ahensya ng kawalan ng trabaho ng state
• Iulat ang panloloko sa IdentityTheft.gov at matutunan ang mga hakbang sa pagbawi
• I-review ang iyong ulat sa credit para sa mga gawaing panloloko

Matutunan kung paanong kupkupin ang iyong sarili mula sa mga scam na may kinalaman sa coronavirus.